Sy Was Siela

"Sy was Siela" is die verhaal van Katrien, 'n jong vrou wat daagliks met die liefde worstel. Sy besef nie dat sy in haarself verdwaal geraak het nie. In haar alledaagse bestaan word sy via haar soeke na ware liefde met haar eie sielshunkering na verdieping gekonfronteer. Sy ontleed haarself en haar eie lewe tot op die bodem om te probeer verstaan waarom sy nie gelukkig is nie. Dit is egter uiteindelik nie die verloop van haar eie lewe en haar terugblik daarop wat haar die antwoorde bied waarna sy op soek is om innerlike rus te vind nie. 'n Dieper, ongekende sielswaarheid sal haar na die lewe terugbring, maar eers moet sy haar pad uit haar verdwaaldheid vind. Is dit Andrias wat haar sal terugbring, of Koen? En wie is Benjamin? Weet Katrien waarna sy regtig soek? En as sy dit gevind het, sal sy dan rus vind?