Spruchgedichte

In Cento Novella ich las, wie das ein reicher kaufman sas in Italia, dem Welschlant, Missina war die stat genant; derselbig het erzogen schon drei s?n, h?flich und wolgeton, und auch ein tochter minniklich, sch?n, wol erzogen, adelich, die war Lisabeta genant, in zucht und tugent weit erkant, derhalb manch j?ngling umb sie warb. da nun der alte kaufman starb, darnach an einem abent spat die drei br?der hetten ein rat, sie wolten bei einander bleiben und iren handel wider treiben in aller ma gleich wie vorhin, auf gleichen verlust und gewin; das war der schwester wol zu mut. die drei gewunnen gro es gut, all ir handel gieng gl?cklich recht. sie hetten ein getreuen knecht, derselb war Lorenzo genant, war geboren aus deutschem lant; derselbig trib in iren handel. er was sch?n, jung, gerad, an wandel; demselben wart sein herz verwunt in strenger lieb in kurzer stunt gegen der junkfrauen, ich sag; bei ir sein herz war nacht und tag, und kunt das nit von ir ablenken; er tet vil tiefer seufzer senken und het ganz weder ru noch rast. nun was die junkfrau gleich so fast gen im in strenger lieb versert, ir lieb von tag zu tag sich mert; allein tetens ir herz erquicken, mit vil freuntlichen augenblicken teilt eins dem andern heimlich mit; doch west eins von dem andern nit, bi doch eins dem andern bekennet, wie es in strenger liebe brennet.