Soos dans

Ná 'n liefdesteleurstelling is Rozette nie van plan om gou weer verlief te raak nie. Sy wil eers doodgewone vriendskappe geniet. Maar dan ontmoet sy Durandt met sy onheilige, goudbruin oë. Durandt reken dis 'n slegte tyd om met 'n meisie soos Rozette deurmekaar te raak. Sy mislukte huwelik het hom nie net emosioneel geknou nie, maar ook geldelik. Nadat 'n yslike veldbrand sy kwekery feitlik verwoes het, moet hy hard werk om kop bo water te hou. Boonop wonder hy waarom die onafhanklike, rustelose Rozette haar reistasse juis by hóm vir goed wil uitpak en wegpak. Gaan 'n dorp vol bemoeisieke vroue dié twee bymekaar help bring of gaan die skinderbekke se wilde stories hul vuurwarm romanse blus?