Nu de tweede Tass Tee

Dit weeren nu mien Geschichten ut mien Kinnertied. Mennigmaal b?n ik mit mien Rad de olle Streck na mien Oma un Opa s Huus henfohren un daarbi s?nd mi de Geschichten, de wi beleevt hebbt, weer infallen. Faken muss ik lachen, wenn mi weer wat infallen de, wat wi utfreten hebbt. Wi weren bi Liev kien Engels un hebbt uns Ollern un Grootollern immer up Trapp holen. Wi mussen in t Huus mithelpen, wat wi kunnen. Wi hebbt noch wat lehrt van uns Ollern. Un immer bleev noch Tied to sp?len. Wi weren de ganze Daag an d friske Luft un hebbt uns utjuchtert. Wi harren immer v??l Spass un Pl?seer. Wi hebbt nie Langwiel hat. Ik sehn mi faken na mien Kinnertied tor??g, na dat wunnerbaar mitnanner, na de olle Tied, waar man Avends m??i un tofree in t Bedd gung. Daarna dat de Minsken noch Tied harren un s?k ok tegensietig bes?ken. Mittlerwiel leven wi in en Tied, waar dat blot noch um flinker, gr?tter, hoger un wieder geiht. Avers wat segg mien Oma immer: -Sacht lopen kummt van s?lms.-