Jugenderinnerige an s'Glaibasel

Obwohl i scho lang nimme in dr Schtadt Basel schtryrpflichtig bi, han-i gfunde, i kennt jo mini Erinnerige zue Papier bringe. Die Niederschrift isch uss mim Gedächtnis gschriebe. Wenn dr Täggscht au nid im luperaine Baseldytsch isch, es isch mi Umgangsschprooch. ...

Uffgwaggse bin-i an dr Egliseeschtrooss. Mi Babbe isch als Schtroossenarbeiter bim Baudepartemänt tätig gsi und d'Mamme Husfrau und Erzieherin.

Mini Eltere sin aifachi aber ehrligi Lyt gsi. Um z'Iberlääbe isch dr Babbe am Samschtig Noomidag (zue sällere Zyt isch noh am Samschtig am Morge gschafft worde) irgend e-naime afallendi Arbete goh erledige und d'Mamme het Büro butzt. So isch e bitzeli meh Gäld in d'Hushaltskasse koh. Au ich ha miesse mi Sagggäld sälber verdiene ...