Du er ikke logget ind
Beskrivelse
ପ୍ରତୀକ୍ଷାର ଶେଷଦାଢ଼ରୁ
ମେଘପକ୍ଷୀ ବଜେଇପାରେ
ପ୍ରାପ୍ତିର ମୃଦଙ୍ଗ,
ତା'ଓଠର ଅତି ନିକଟରେ
ବିନ୍ଦୁବିନ୍ଦୁ ଜଳର ସୁଦୃଶ୍ୟ
ଆକର୍ଷଣ ଥିଲେ ବି
ସେ'ଶୋଷି ପାରେନି
ଶୋଷର ଢ଼ଳଢ଼ଳ ଶୋଷ କି
ନିରୋଧି ପାରେନି
ବେଗର ଆବେଗ ।
ଅନୁଗ୍ରହର ଗର୍ଭରେ ସେ'ଏକ
ଦିନବାହୁଡ଼ା ଗୀତର
ନିଶବ୍ଦ ଭିକ୍ଷାପାତ୍ର,
କୋଷ ହୀନ କୋଷିକାର
ନିସ୍ପନ୍ଦ ଆବେଦନ,
ଦାହ ସରିଥିବା ଦେହର
ପାଂଶୁଳ ଚିତ୍କାର ।
ସେ' କହେ
ପ୍ରତ୍ୟେକ ନାରୀ କ'ଣ
ମୋ'ପରି ଚିତ୍ରିତ
ଚିତ୍ରରୂପା ନୁହଁ...?